ابوفاضل عضید احسین (علیهما السلام)
لبو فاضل قصیده بالسفر کتبیت
شکیت احوالی للچفین و الرایه
تعنیت الدیاره عابر الشطین
تعافی گلبی من دخلیت الولایه
***
مشی حافی اله اتعنیت
ثلث تیام امشی زحف ما تعبیت
من صغری احبه الشوفته اشتاقیت
افکر بالزیاره ابگلبی لیلیه
***
دخلت ابجالهم مرقد ابو الحسنین
من ابعید ضاوی ما طفت ناره
النجف یبرج ابحبه او گبته نیشان
فاتح باب خیبر سامع اخباره
***
برد گلبی من الحسرات
اظن بعده عدل ما مات
احس ریحت هلی و الدله والفنجان
نبع صافی بیاض المای و الحیطان
الفرگه اتبدلت باحباب
یوم اتدنت المحراب
فرحت اهوای
لگیت ادوای
اظن یدری الامام اتقربت منوای
قبره احذای
بگیت انظر فرات المای
ذکرت احسین والعباس
او ذکرت المعرکه و الطاس
لا لاباس الحسین استشهد الهالناس
***
سارت روحی ویه الهوی طارت بلا جنحان
شافت ظلم یرتعد منّک یبن مرجان
مو انسان ولا من نسل حوا او جان
جنایات الدهر مکتوبه الک نیشان
بالمیدان بالقران
***
بگیت اتحاسب اویه الروح عافتنی
لیله ابیوم اون واتکاثر ابلومی
لیش الیعدل ابحقه او حقوق الناس
اتکرهه اهله او عمامه اتغدره و اتحومی
***
سجدت اسجود للمعبود
دعیت الخالق ابکل زود
یسهل لی زیارت کربلا و الشام
القبر احسین والعباس و انطر زرگت البلام
***
الحرب والضرب ما سد کل درب ماشین
تعینه الهذاک الرافع الرایه
دخلنه احدود اهلنه والگلب شب نار
یا زینب محبتچ بالگلب آیه
***
وی طرت الفجر سیرنه للموعود
لگینه اثارهم موجوده بالمیدان
تل الزینبی والرایه والکفّین
اظن طیر المنایا ایباشر البستان
***
مضایف من ذهب مفتوحه للزوار
من کل باب ماجود الفخر بیهه
لمیع الگبه موجود اعلی شاطی الروح
والزوار متعجبه ابمعانیهه
***
جعلت ایدی اعلی گلبی او فکرت حلمان
اشجابانی الحبیبی و انه یم گبره
شبگته اشباگ او دمعاتی سرن بهدای
ابصدری امن الفرح تتکسر العبره
***
هله ابنور الامامه او سید المیدان
او هله ابملگاه دم یجری ابشرایینی
الگلب یفداک یا راکب سفینة نوح
من ابعید اجیتک لحظه حاچینی
***
بچیت امحنب او مهظوم
علی سبط النبی المظلوم
تصّور لی جیوش ایزید
اکتب یا قلم من الشعر میفید
دموعی غسلن الوجنات
ما کو ذات، نظرت العلگمی اباهات
او شفت المای یجری ایغازل العطشان
او شفت الگاع تبچی اتعازی الفرسان
جعلت انظم قصیده و الورق تعبان
ملانی الوکت حفرالی الدفان
***
اشّر لی المرقد نبهانی او قال
زور الساقی قبل احسین و ارجاله
اخوی الما تعذّر للحرب و البین
ما خاف الغدر و الحمل شیّاله
***
گمت اتقدم ابتاخیر
ضجیج الگلب واضح عاهدانی ایسیر
من ابعید انظره اترفرف الرایه
حمرا او فوق تاج الفخر وفّایه
***
الغضب مشهود عنده او سبع ما ینسام
ابو فاضل عجید الگومه ملزومه
تشهد کربلا و الطف کتب منشور
طرد جیمات شد ارچاب بالحومه
***
ابو السجاد ما هم یوم اخیّه احذاه
ولا طخ راس للکفار ابد ما خاف
یحسب جیش امیه ااشباح من کل صوب
لان عباس ینعد بالزلم الاف
***
قاتل هالرجل واستعد بالتوحید
کر الگوم مسرع خاطهه الساقی
هل ساقی العطاشا ما شرب قطرات
یحس احسین وحده ابکربلا باقی
***
ابو الکلفات من حیدر اخذ تدریب
ما ملت یمینه او لا هزل ساسه
جاب المای واتعنه الفواطم بیه
ما خالف ضمیره او گلبه و احساسه
***
رجع عطشان یضرب و السیوف اشباچ
ینادی الله و اکبر بالحرب روعه
جلس حدر الجذع هالقاطع الکفین
اخذ یمنه او یساره او کسر اضلوعه
***
طاح اعلی الارض نادا یخویه احسین
الوداع او داعت الله یا بعد عینی
ما وفیت کل دین العلی یا خوی
مگطوع الچفوف او دمی یسجینی
***
آنه الواعدت زینب اجیب المای
شگول ابیا عذر من تسحب العبره
خلینی ابمکانی یا ضوا البلعین
شنهی العذر منهه زینب الحره
***
باسه او غمضاله او وادعه او شمّاه
شاله للخیم ودع خواته
شد اعلی الحرب واتحزم احزامین
ابفگد عباس لاحته الشماته
***
ایه او داعت الله او عندک اتخیل
یبو فاضل دخلت ابلا هویه
رجف جسمی او جلدی نبّت ارماح
الشعر بالراس قدم کل تحیه
***
جذب شباچه ایدی او ضمنی اعلیه
هوی المحبوب جرنی او قدمانی
شعرت ابکربلا و اتباوس اویاه
الحد هالحین افکر ما نسانی
***
بقیت ابکربلا خطّار الاجواد
ثلث تیام احس ساداتی ویای
شفا جسمی او قادر کل الم فیه
احب احذاهم اسکن آه یدنیای
***
وداعاً یا هوی و العمر خلصان
اخاف الموت یقرب والمنیه
الشفاعه سیدی طالبهه نیشان
ارید ابموتتی تهدیهه الیه
***
خادم اهل البیت : جاسم ثعلبی (حسّانی) 26/09/1392
:: برچسب‌ها:
ابوفاضل عضید احسین (علیهما السلام) ,
:: بازدید از این مطلب : 2651
|
امتیاز مطلب : 2
|
تعداد امتیازدهندگان : 1
|
مجموع امتیاز : 1
عضو شوید
عضویت سریع
آمار مطالب
آمار بازدید
